** مستر درش**
المشهد الثامن عشر:- يذهب (درش) الى المدرسة بسيارتة الفارهة (فولفو) موديل(1788) عربية
انتيكة جدا ويقف بالسيارة امام المدرسة ويضرب فرامل اليد التى لا تعمل اصلا ويطفئ موتور
السيارة والذى يعمل بزيت عباد الشمس وينزل من السيارة (من السقف طبعا لان العربية دى
مافيهاش ابواب) المهم ويغطى السيارة بورق الجرايد خصوصا (الاهرام) ويحمل الشنطة
ويدخل المدرسة ويبدا يوم جديد.
المشهد التاسع عشر:- يذهب (درش) الى شئون الطلبة لكى ياتى بنتيجة احد اقاربة فتقول لة
المراءة التى تجلس هناك( جتك نيلة البنت مش عارفة تنجح حتى فى الرسم دا اية البلاوى دى)
فيقول لها (درش) ( وانا مال اهلى هو انا اللى كنت بمتحن مكانها وبعدين البنت دى متفوقة جدا
بس اكيد الامتحان مكانش سهل ليها و بعدين هى كان ليها ظروف صعبة ابوها طلق امها ليلة
الكيمياء وانتى عارفة ان الكيمياء غدارة اللى ينجح فيها ربنا يخدة) هنا يسمع صويت احدى
البنات فيلتفت (درش) ليجد قريبتة وبالمناسبة هى اسمها ( ضحى) فيقول لها ( مالك يا ضيحو
دا الدلع بتاعها بتصوتى لية؟) فتقول لة ( ضحى ) ( انا جبت النتيجة النهاردة) فينظر لها
ويقول ( ها وعملتى اية؟)فتقول( انا سقط السنة دى) فيقول لها( عادى وهى دى يعنى اول مرة)
فتقول لة (لأ بس انا نفسى استطعم حلاوة النجاح) فيقول لها( اية حلاوة النجاح دى؟ انتى اكيد
قصدك حلاوة الرشيد للميزان صح؟) .
المشهد العشرون:- ذهب (درش) الى المدير كما طلب منة الاستاذ مرعى فيطرق (درش) الباب
فيقول المدير ( مين؟) فيرد (درش) ويقول( انا درش) فيقول المدير ( ادخل بس اقلع الجذمة
الاول) فيقول لة ( درش) ( لية هو انت بتمسح الاوضة ولا اية؟) فيقول المدير( لأ بس انت
جذمتك مليانة وساخة) فيقول (درش) ( على اساس انى لابس صفيحة زبالة.. ماشى) ويقلع
الجذمة وياريتة ما عملها لانة لما قلع الجذمة هبت عاصفة قذرة مصدرها رجلية واتجاها
مناخير المدير فيقول المدير( يانهار ازرق انت لابس بلاعة اية الريحة دى) فيقول (درش)
(بقولك اية ماتقرفنيش انا قلتلك من الاول انت ما سمعتش الكلام) فيقول المدير ( خلاص البسها
تانى ابوس رجلك .. لأ بلاش رجلك لان الظاهر شكلها ما اتغسلتش من ساعة ما اشتغلت
فى المدرسة)..
المشهد الواحد والعشرون:- يذهب ( درش) الى المكتبة لاستلام الجدول الجديد فيقابل
( جومانا) هناك فيقول ( دا اية النور دة نورك ولا نور اللمبة؟) فتقول ( جومانا)
( اية يا زفت الخفافة دى كلها انت كنت بترضع عسل) فيقول لها ( لا والله انا ما كنتش
برضع اصلا ما علينا انتى جبتى الجدول بتاعك؟) فتقول لة ( اة المدير الله يحرقة
ادانى الجدول يوم الاحد والثلاثاء والجمعة) فيقول(درش) ( الجمعة! ان شاء الله انتى
هتيجى تشرحى للفراشين ولا اية ؟) ( فتقول لة ( مش عارفة بس اكيد هيذيعوا فى
الطابور على الموضوع دة) فيقول لها ( معلش اصل اللى يسمع كلام المدير يستاهل
اللى يجرى لة اصلة البعيد عندة عقدة تقريبا كدة ابوة كان معوق ذهنيا وامة بياعة
فجل وجرجير ) وهنا تحدث مفاجأءة ولكن فى الجزء القادم ان شاء الله....