مستر درش0000
المشهد الرابع عشرفى المدرسة اثناء قيام طابور الصباح المدير ( مدرسة صفا )
ويتقدم (درش) ويقول (حكمة اليوم00 اطلبوا العلم ولو على جثتى قصدى ولو فى
الصين الكلام دا يدل على ان العلم شى جوهرى لازم الانسان يتسلح بالعلم علشان
يعرف يتخانق بية و00) فيقاطعة المدير ويقول ( يتخانق دا اية انت بتعلم عواطلية
دول ناس متعلمين اى نعم هو مش واضح عليهم بس اسمهم متعلمين) فيرد علية
(درش) ويقول ( تعليم اية انا حاسس انى بدرس فى الكوافير الا مفيش ولابنت بتنجح
البنات يا عم الحاج جاين يقضوا وقت فرفشة ولا اكمن بنتك مرمية فى صفحية الزبالة
دى ) فيرد المدير ( انت بتقول على المدرسة صفيحة زبالة الله يرحم دا انت 00)
فيقاطعة (مرعى) ( جرى اية يا متخلفين الطابور شغال ولا انتوا مش عاوزين الرمم
دول يتعلموا) فتقول (جومانا) ( صلوا على النبى دا الشيطان موجود مابينا) فيقول
المدير ( شيطان دا اية انتى كمان احنا قاعدين فى جهنم يلا كل جذمة قديمة تاخد
صاحبتها وعلى الفصل اله السلالم تتقلب بيكوا واولكو بنتى)
المشهد الخامس عشر يصرخ (درش) (يعنى اية نسيتى الواحب يعنى انتى نسيتى
تجيبى السلوشتات بتاعتك) فتقول الطالبة ( لا كلة الا السلوشتات انا ماقدرش
انساها لانى لازم اكل بعد سيجارة الحشيش اصلة بيجوع اوى) فيقول ( درش)
( وكمان حشيش الاقيش معاكى قزازتين خمرة للمدير اهو يشربها وتجيلوا جلطة
ونحلص منة دا راجل00) ويدخل المدير فجاءة فيقول ( درش) ( عيب اية الكلام
اللى انتى بتقولية دة دا المدير راجل طيب والدليل انة بعت جواب انذار لكل واحدة
دا انتوا تحمدوا ربنا اهو احسن ما كان تتفصلوا اصل انا عارفة دا قفل وممكن
يعملها )
المشهد السادس عشر فى مكتب المدير يقول المدير للاساتذة (انا جمعتكوا النهاردة
لانى ناوى اقلب نشاط المدرسة ) فيقول (درش)(اية هتقلبها قهوة)فيقول المدير
(لا ياخفيف هاقلبها شاى انا بتكلم بجد احنا لازم نشوف حل دا كل المدارس بيطلع
منها على الاقل اتنين او تلاتة من الاوائل الا مدرستنا محدش بينجح فيها اصلا)
فتقول (جومانا) ( انا من واقع خبرتى اؤكد ان البنات عندهم استجابة فى انهم
يتعلموا بس للاسف الظروف المحيطة مش مساعدة) فيقول ( مرعى ) ( انتى بتتكلمى
على مين على البنات دى والله دا كل واحدة لو فتحت كبارية يبقى ربنا كرمها)
ويضيف (درش) ( ماينفعش كبارية يا مرعى علشان الضرائب بقت صعبة اليومين
دول وبعدين000) فيقاطعة المدير ( حلو اوى سبونا من المشكلة الاصلية ونتكلم
عن الضرايب وعن العيشة الصعبة ومحدودى الدخل احنا هنا فى مكتبى مش فى
وزارة التموين)
المشهد السابع عشر فى الفصل حيث يقف (درش) وبجوارة ( جومانا)و(مرعى)
فيقول (درش) (يابنات احنا فكرنا فى مشرع ننتشل فية البيئة الزبالة اللى انتوا
اتربيتوا فيها اذا كانتى تربية اصلا) ويقول (مرعى)(صح بمعنى ان البنت اللى تتفوق
لا قدر الله ليها جايزة كبيرة) فتقول (سعدية النتن) ( جايزة زى اية ياسطى ) فتقول
(جومانا) ( ياسطى؟) فيقول (درش)(ممكن نجيب لكل واحدة منكن اسكوتر او كوشتى
بعجل زى الامريكان) فتقول احدى البنات ( كوشتى بعجل دا اية وهو احنا لاقين ناكل
لما نجيب البتاع دة) فيقول (مرعى)( والجايزة الكبيرة هى اية لو انتوا شاطرين)
فتقول ( دولى براغيت ) على فكرة البنت دى محترمة جدا على الرغم من انها اتقبض
عليها قبل كدة مرتين فى قضية اداب المهم قالت( اكيد عربية فيشو قصدها بيجو )
وتقول (سعدية النتن ) ( لا اكيد هتكون بدلتين رقص واربع صاجات و تلات طبل)
( فيقول ( درش) ( اية دة انتى عايزة الناس تقول علينا اية اكتر ماهم بيقولوا هيقولوا
البنات دى خريجة احدث لا الجايزة الكبيرة دى خلوها مفاجاءة) هنا يقطع الكلام دخول
المدير فيقول (درش) (البنى ادم دا كييف يقطع علينا الكلام اتفضل جتك البلة) فيقول
المدير للبنات ( اتمنى من الله عز وجل ان يوفقكم فى الامتحان اللهم اجعلهم من الناجحين
وليس الراسبين اللهم وفقهم اللهم عليك باليهود اللهم فرق جمعم وشتت شملهم
واقم الصلاة) فسقول ( درش ) ( اية دة الحصة مالها قلبت دين كدة لية )