** نشرة اخبار الساتت والعشرون **
** الحلقه الثانيه :-
افظع الله احلامكم واروع كوابيسكم اعزائى المشاهدين برنامج الساتت
والسبعون يقدمها لكم ( زمباوى ابن الخنيقه ) من استوديوهاتنا
بمدينه الساتت من اكتوبر بعد الدائرى انزل اول ملف يمين حتلاقى حفره اوعى
تقع فيها والى عناوين الاخبار ........................
**عناوين الاخبار :-
** للاذكيــــــــــــــــــــــــاء فقط
********--------------***********---------------****
** السنيما المصريه كلاكيت تانى مره
**********-----------------**********-------********
** الشاعر الجليل صابر المنشف وقصيده ( ايه القرف ده )
************-----------***********--------*********
** شعبان عبد الحليم وقصه حياته ( شكله هايبقى فيلم ثقافى )
******----------***********--------------******-----
والى تفاصيل الاخبار :-
** للاذكياء فقط يدخلو ويجابوا على الاسئله اللى حيرت معظم اذكياء العالم وانا
ضمنهم ودا مثال بسيط للاسئله واللى يحلها اكيد هايبقى جينيس .......
س1 :- قال الشاعر ( وليس قرب قبر حرب قبر ولكن قبر حرب قرب كل قبر
) كم قاف فى كل ذلك ؟ والله صعب اوى السؤال ده
س2 :- لو معانا فقص بيض والفقص ده ما يستحملش غير اربع بيضات وانت
معاك خمسه تعمل ايه ؟ اكيد هاكلها......................
س3 :- ماذا حدث بعد ان تم ضم قناه السويس الى قناه ميلودى هيتس ؟
قناه السويس بقت مشفره.........................
******----------------************-----------**********
** السينما المصريه تدهورت مؤخرا ( يعنى فى الوقت ده محدش يفهمنى غلط
) وبقى كل واحد شايف نفسه ممثل يبدا يغنى ودا طبعا على حساب الجزارين
والسفرجيه والنقاشين والبوابين ( مع احترامى لكل هذه المهن المحترمه )
والادهى والامر من ده وده الفيلم بدون رقابه يعنى كل ممثل يلطعلوا بتاع 22
بوسه و30 حضن لما يخلفله بتاع عيلين فى الفيلم بجد الواحد نفسه يبقى
ممثل.....................
*****---------**********-----------**********----------
** طبعا كلنا نعرف الشاعر ( صابر المنشف ) صابر المنشف دا من اهم كتاب
الشعر الحديث فى العصر الجاهلى ومن اهم قصائده قصيده ( ايه القرف ده
وكلماتها بتقول )............
ايه القرف ده.. بنت حلوه وجميله ضحكتها رايقه ولذيذه .. ايه القرف ده
ايه القرف ده .. كلها جمال وحنيه وشك للحيط وقفاك ليا ..ايه القرف ده
ايه القرف ده .. عيونها سحرانى وقلبها مالك وجدانى .. ايه القرف ده
ايه القرف ده .. حبها حب مش عادى دا حب بالكاتشب والمايونيز وصوص
الباربكا .. ايه القرف ده
ايه القرف ده ... ايه القرف ده ... يا سلوووووووووووووووووم
***********----------------*********-----------******
** شعبان عبد الحليم صاحب اغنيه ( هابطل السجاير وهاشرب بانجو
وحشيش لو اتمسكت مره لا يمكن يوم اعيش ) قرر انه سيقوم بانتاج اول افلام
على ان يكون هذا الفيلم عباره عن قصه كفاحه لطريق الغناء حتى يكون عبره
لمن لا يعتبر ومن هنا يمكننا التنبؤ بان تلك النوعيه من الافلام ستجد اعتراض
شديد من الرقابه لاحتوائه على العديد من الالفاظ الخارخه والداخله والاباحيه
وطبعا المشاهد لان واحد زى ده مش هايعمل فيلم عن فجر الاسلام يعنى
واتوقع من هذا المكان بأن ايرادات الفيلم لن تزيد عن بختين ميه على قميص
باربع زراير وبنطلون قطيفه وشراب وجزمه بمبى ....................
*********----------*********----------**********
الى هنا اعزائى المستمعين تنتهى حلقه اليوم وعلى ما اشوفكم ياريت يكون
الغدا جاهز او تفصيل يلا اقعدوا بالعافيه ..............
[i][center][right][justify]
من طرف moo.nofal90 الجمعة أبريل 17, 2015 12:42 am
