** نشرة اخبار الساتت والسبعون **
عزيزى القارئ نوجه عنايه ان هذه الحلقات مستوحاه من البرنامج
الشهير ( اخبار الخامسه والعشرون ) ولكنها من تأليفى واجتهادى
الشخصى وارجو على ان تحوذ على اعجاب الجميع............
** الحلقه الاولى :-
افظع الله احلامكم واروع كوابيسكم اعزائى المشاهدين برنامج الساتت
والسبعون يقدمها لكم ( زمباوى ابن الخنيقه ) من استوديوهاتنا بمحافظه
المنوفيه بجوار مجمع الكليات كافتيريا ( K . M ) بتاعه عمار
واليكم عناوين الاخبار جتكم القرف......................
*** عناوين الاخبار :-
.............................................................
** السح الدح امبوة ادى الواد لأبوة **
...........................................................
** كرومبو ... كرومبو .... مع المفتش كرومبو **
...................................................................
** عوده قصص الامير ( ميزو ) والاميرة ( هايدى )**
.......................................................................
** لو مشربتش اللبن هاجيبلك العفريت ابو رجل محروقه **
.........................................................................
***والى تفاصيل الاخبار :-
1- الحقوا مش احمد عدويه عنده ابن بيغنى اه وعهد الله واسمه محمد
احمد عدويه اللى بيغنى ( السح الدح امبوة ادى الواد لابوة يا عينى
الواد بيعيط شيل الواد من الارض ) وكده الاغنيه من توزيع بامبرز
للاطفال الرضع وحديثى الولاده من سن 70 سنه الى 90 وانت
طالع........
2- طبعا انتم عارفين ان الشعب العريق شعبنا شعب تافه منذ نعومه
اظافرة وعلشان كده كل واحد دماغه تاكله يروح عامل حاجه جديده
من تأليفه وابداعه ويروح لاتحاد الاذاعه والتعليم وينزل برنامجه فى
التليفون علشان يحقق اعلى مبيعات لشركه اسمنت السويس .......
3- الامير ميزو والاميره هايدى ليهم من القصص والابداعات ما يكفى
كى تدمع لها الاجفان ومن اشهر هذه القصص روايه
( كتاكيت لا تحزن مهما حصل فاهم مهما حصل )
وهى قصه يرويها لكم مؤلفها ومبدعها السيد كتكوت ابو الليل......
فى يوم من الايام وزمن من ازمنه العصور القديمه جمع القدر الحب
بين الامير ميزو والاميره هايدى . طبعا هايدى كانت واخده ميزو مصلحه
الواد امور وعنده حصان 24 سلندر 2ذيل 12 رجل وفى ردايو كاسيت
وتكييف يعنى الواد جاهز من مجاميعه . وفى ليله من ليالى الصيف
قارصه البروده ذهب ميزو الى الامير هايدى و رماها وراه على الحصان
وراحو عكاظ مول علشان يشتروا شويه ملابس وبعض من المسليات
مثل الفستق والمذق والهستق والمللبن ولب ابيض مقشر لوحدة لزوم
السهرة المهم روحوا البيت وهما قاعدين فى ساعه صفا الواد ميزو راح
مادد ايده على البت هايدى راحت هى كمان ماده ايديها قال ايه بيقولها
تعالى نلعب شطرنج وانا اللى كنت فاكر ان نيته وحشه ماعلينا خلاصه
القول ان الاتنين خسروا وهما بيلعبوا الشطرنج والحصان مات محروق
من كتر غباء ميزو وهايدى...........
4- تعلن وزارة الصحه والمواصلات عن انه كل واحد مش هايشرب
اللبن هايجيبله العفريت ابو رجل محروقه دا على اساس ان العيال عبيطه
مش فاهمه ان مفيش حاجه اسمها ابو رجل محروقه ههه حجج فارغه
كل ده علشان انتاج اللبن تزيد ويقدروا يصنعوا اكبر قدر من البقر
لانتاج الحيب والجبنه الحادقه والعيش الفينو والرغيف البلدى
الى هنا حضرات الساده المراهقين تنتهى حلقه برنامج اخبار الساتت
والسبعون وعلى ما اشوفكم ( دا على جثتى ) ناموا كويس واتغطوا
ومش عاوزين استهبال النهاردة السبت مش الخميس واشربوا
اللبن والا هاجيبلكم العفريت ابو رجل محروقه يلا فى داهيه..........