مستر درش000
بعد ان ذهب (درش) و(جومانا ) الى المدير لينظروا الى حال البنات اللى مايعلم بة الى
ربنا فيقول (درش) (مس جومانا انا كنت مسؤل عن البهايم دول وانا اعتقد انك اكثر
انحراف 00قصدى كفاءة منى بانك تتعاملى معهم) ويقطع الحديث دخول الاستاذ( مرعى)
ويقول(امال المدير فين ) فينظر الية (درش) ويقول ( دا انت مش المفروض تلبس
نضارة بس انت المفروض تلبس ميكروسكوب ماالمدير مارمى قدامك اهو) فيقول
المدير(اية قلة الادب دى يااستاذ اية مرمى دى على اساس انى شوال درة )
فيقول (درش)( انا اسف انا ماقصدش)فيقول المدير(خلاص انت عاوز اية يا استاذ
مرعى ) فيقول(مرعى)(يااستاذ انت لازم تشوفلك حل مع البنات دى كلم اى حد من المسؤلين فى
الوزارة يشوف لهم حل خلية يرفد البنات الوحشين ويفصل الباقى مثلا) فيقول ( درش)
( والله وجهة نظر)ويعم الصمت لحظة قبل ان
تقول( جومانا) ياجماعة ماينفعش
احنا لازم نحط حد للى بيحصل دة) فيقول مرعى( حد زى مين انتى قصدك عليا انا)
فيقول(درش) (دا انت غبى الحد دا يبقى انا) فتقول (جومانا)( والله انتوا الاتنين
رمم حد يعنى فاصل) ويقول المدير(انتى قصدك فاصل اعلانى ولا فاصل غنائى)
فتقول (جومانا) دا اية العبط دة وبتتريقوا على البنات) وينتهى المشهد
المشهد الرابع فى البيت (درش) يحلم بالاستاذة (جومانا) ويقرر انة لازم يتغير
يغير شكلة والتسريحة المعفنة ولبسة الزبالة وكدة فيذهب الى اشهر مولات الشرق
الاوسط سيتى ستارز ويدخل لابسا فانلة بحمالات وشبشب زنوبة والبنطلون يادوب
جايب ركبتة ويذهب الى محل الملابس ويدخل فينظر الية الجميع باستغراب لمنظرة
اللى شبة الكمسرى فيقول(درش) للبائعة (وحياة والدك الاقيش عندك ملابس رجالى
فتقول لة ( لا كل اللى عندى شبابى ينفع) فيقول لها(درش) (ياخسارة كان نفسى فى
رجالى)
المشهد الخامس فى الشارع حيث يقابل (درش) (جومانا) صدفة امام جروبى فيقول
(دا اية الصدف دى انا حاسس انك بتراقبينى) فتقول (جومانا) (ياسلام وانا هبلة
علشان اراقبك انت دا حتى منظرك مثير للاشمئزاز) فيقول لها(شكرا على المجاملة
الطيفة دى كنت حاسس ان منظرى عاجبك)وتنصرف (جومان)ا قبل ان تموت
المشهد السادس فى بيت (درش) يقف امام المراءة يتامل نفسة فى الملابس الجديدة
ويقول(اية الحلاوة دى انت بقيت شبة جينز بونت قصدة جيمس بوند ) المهم
المشهد السابع فى المدرسة يقف(درش) ينتظر (جومانا) حتى راها فذهب اليها
وقال(ياصباح الندى اللى مغرق الدنيا) فتقول لة (جومانا( ( اية النضافة دى الله
لا يقطعها عادة انت عندك فرح) فيقول لها( والله انا لو عندى فرح مش هروحة اصلا
اما الشياكة دى اقل حاجة عندى لانى معنديش غيرها اصلا) فتضحك ( جومانا)
وتقول ( والله انت طيب وغلبان بس اهبل) فيقول (درش) ( دا الملافظ سعد الدالى
هاهاهاهاهاهاها) ومن هنا يظهر المدير قائلا(درش) فيقول
(درش) (ايوة فى حاجة يااستاذ جابر) يقول المدير لة(انت عبيط انت مش عندك الحصة
الاولى اية اللى جايبك الحصة الاخيرة) فيقول (درش) معلش راحت على نومة
فيقول المدير ( اوكى عندك خصم ثلاثة عشر سنة)
المشهد الثامن فى السنيما حيث دعا (درش) (جومانا) الى حفلة 12بليل لمشاهدة
فيلم عن الحرب العالمية التانية شايفين بيحبها قد اية فى السنيما يذهب (درش) الى
شباك التذاكر لقطع تذكرة ذهاب وعودة 00 قصدى تذكرة للفيلم ويدخل الجميع القاعة
لبدا العرض واثناء الاستراحة ذهب ( درش) واشترى ترمس وفول سودانى
فتقول (جومانا) ( اية اللى انت جايبة دة انت فى حديقة الحيوان انا عايزة فشار)
فيقول ( درش) (ما انا مش لاقى الفشار دا فين ) فوصفت لة المكان وراح
يشترى الفشارفقال لة البائع ( عايز اية حضرتك قالة عايز بنص جنية فشار واتوصى)
فيقول البائع ( طيب ما اجيبلك بربع جنية وتاخد كانز هدية) فيقول (درش)
( خلاص هات بجنية واخد قزازة 3ليتر هدية)
المشهد التاسع تانى يوم فى المدرسة خصوصا فى الفصل يقول (درش)(النهاردة
ححاول اشرح الجرامر وانتوا عليكوا الفهم و00) ويدخل المدير مقاطعا فيقول
(درش) (شكلى مش هخلص المنهج فى السنة اللى مش باين لها وش من ضهر
ايوة يا استاذ جابر فى حاجة) فيقول المدير اه فى فين مس ( جومانا) فيقول (درش)
(انا ماعرفش هو انا كنت واصى عليها) فتدخل (جومانا) فيقول (درش)( اية انتى كنتى
فين انا كنت نازل ادور عليكى) فتقول (جومانا) ( على اساس انك واصى عليا)
ويدخل(مرعى) فى ذلك الوقت ويسال(هى مس جومانا فين) فيقول (درش)
(دى لسة ماجتش اصل ابوها مات وهى رايحة تدفنة وتيجى) فيقول ( مرعى)
( بس انا حاسس انها ما بينا) فتقول ( جومانا) ايوة يا استاذ ( مرعى ) انا هنا فى
حاجة فيقول (مرعى) (الصراحة انا عاوزك فى موضوع شفاف00قصدة حساس
فتقول جومانا( اتفضل قول انا سامعاك) فقال الاستاذ (مرعى ) (انا مزنوق فى قرشين
وعاوزك تسلفينى) قالتلة عاوز كام فقال (مرعى) ( تلاتة وعشرين جنية) فيقول
(درش) ( تصدق انت اتفهة من انى اسلفك تمانية جنية على بعضهم)